忙碌的前一個月

頭暈, 一個月就出發了

行李清單目前只係執到一半,
未有太多時間去買所需的東西, 天啊…進度太慢了

早前執左一部分放入backpacker test下夠唔夠位
結果就係要再取捨, 或者都應該夠~我都唔想個backpack迫爆
即係好似一開個袋, 入面既野就爆哂出黎既狀態
現在滿腦子的問題都是, 應該帶?定不應該帶去呢?

數碼相機仍選擇中, 煩在功能要求有齊我想要的機不多, 取捨中
唯一一部係我早前一早睇中的canon s80, 可惜已下架唔見影
明明2005年出既機, 點解到而家仲未有一部後繼機之類?

衫褲鞋限制件數, 仍選擇中,
仲煩緊帶幾多對鞋, 幾多件衫, 幾多條褲,
因為個邊肯定買唔到我想要既衫, 但我都要去街架
只係諗到我一定要帶白色波鞋, 因為百搭lo

仲有其他垃圾, 太零散無可能同一地點買齊…
真係要比兩日時間我去齊咁多地方買野, 偏偏無時間而一直拖

and, 好多朋友都約我食飯呢, 我都一一答應去齊所有朋友的飯局
雖然好忙但時間過得好充實, 放假時間都沒有啊!!
復活節? 對不起我要上班, 只有清明節但一早被朋友預約了
餘下假期只有17號、24號….係咪太少?
原本聽晚放假, 因應公司新政策我改了上班, 因為額外有1.5日薪金
正正對我黎講黎得合時, 好讓我將預算極大化

其實每一日我都可以同朋友食早午晚, 反正我凌晨才上班
有幾日我都只訓3,4個鐘, 仍應付得黎…好充實好開心

working and working, 有時真係可以比我忘記唔開心既野
我唔敢講我而家真係完全無不開心, 只係不想太多了

我的行李裝備

衫/褲/襪/鞋 日用 電器 個人 文件
短袖衫 潤手霜 手提電話 筆記本 Visa card
長袖衫 潤唇膏 手提電話(後備) 日記本 YHA card
外套 Lotion 數碼相機 HSBC EPS
太陽油 後備電、腳架 解悶書本 HSBC credit card
牛仔褲 曬後Lotion 差電器 Passport + copy
短褲 牙膏 SD card (1gb) 睡袋0~10度 HKID + copy
滑浪褲 牙刷 Portable hard-disk 腰包 證件相
泳褲 指甲鉗 轉接插頭 雨具 1263(工作證明)
運動長褲 眉鉗 運動手錶 行山水樽 機票
食物盒 覆歷
內衣褲 Shampoo 快子
Shower gel card reader 蚊貼
頸巾 剃鬚刀 mp3(ipod) 膠布
陶瓷纖維毛巾 剃鬚膏 火把頭痛藥
針線包 鬚後水 飛滋膏
冷帽 髮泥 敏感藥
枕頭袋 喉糖
補濕mask 大膠袋
洗面膏 小禮物
磨砂膏

大致上都係咁多啦, 當然有些仍然未準備, 亦歡迎朋友們送野比我
我會送番個香吻比你~~~好貴架..執到啦…
計計下睇下仲有無野未執齊…但唔可以執太多~~我預一個70L的大背包!!
要取捨, 因為我知道再多一個袋就會有慾望再帶更多東西, 而個D係無用既

初定行程路線

5月8日, 我將會飛往柏斯, 西澳的首府, 貪佢無時差、全澳最有錢
搭叮叮唔洗錢、物價消費低於其他各大城市…不過去到要經我的證實
有d都係上網睇, 話就話咁講都唔知係咪既~~~

作為第一站, 好讓我過得舒服以及盡快適應當地環境先係我想要
不想一開始去悉尼就面對大城市的各種東西…由其我的英文水平
只會倍感壓力, 逐漸由低開始..慢慢適應至遊歷澳洲各大城市
我當然希望自己也做得到吧~~英語能力同listening我要急起直追
最大問題都只不過係我聽唔到而已..我會克服它

至於我的backpacker之旅路線, 就由柏斯(Perth)至開恩斯(Cairns)
沿途經達爾文, 愛麗斯泉, 烏奴奴, 再南下至悉尼, 北上至開恩斯
一條S字型路線, 當然或者會行程有變既…希望可以玩哂整個澳洲

決定旅程…

今次旅程, 經過一段長時間的籌備, 由申請簽證開始
一路都發生過好多野, 到現在還有個多月..很緊張~怕應付不了

準備就準備緊架啦, 早前買左backpack作為我的最佳拍擋
見到它個心都有一種感覺, 我真係要飛唔係講過就算數
至於我去既原因, 可以話有又可以話無
想講既係既然有呢個機會可以比我去遊歷世界、擁抱大地, 點解唔試下
人生只不過求快樂, 我唔想一生勞碌…有機會我想去體驗人生
但就唔好講到我好似要扮到"向世界出發"咁~~~哈

雖則旅程完了, 一切都要重新開始
但想了一想, 人生中如果有機會遊歷世界的話
我會選擇而家去, 畢竟年輕有佢的體力、膽識、好奇

若干年後想去的話,
你會放棄工作嗎?(如果你已經升左職or努力中)
家人的照顧, 你會放心你的爸爸媽媽嗎?
仲有其他東西, 例如財務…
人愈大就愈多負擔, 愈不能放下香港的一切, 莫非等退休?
我驚我有錢無命享, 體力不勝…4個字"及時行樂"

講真, 我真係好唔捨得一個人, 雖然你唔希望我去, 我明白
同時你知道阻止我做我想做的事, 你是自私
但我亦知道要你等, 我亦是自私…共識係有, 但都係不捨得你

thx u so much, i will be back soon

王子占要做Backpacker!!

5月8日, Jim將啟程前往澳洲, 踏上backpacker的旅程, 為期一年(暫定)
第一次搭長途飛機..
第一次衝出亞洲..
第一次到英語國家..
第一次…我將會有很多第一次的旅程. Jim, 加油唷!

今日3月21日, 尚有個半月就開始我的澳洲之行, 心情難免有些心忐不安
天啊!我好像有很多東西都沒有準備, 心理亦未到stand by的狀態
衫褲鞋、日用品、數碼相機…無言, 希望一個月內搞定吧
否則離港前一星期也很忙不能跟朋友吃飯呢

我知道這個決定總有人支持、反對, 好壞參半..幸好我得到好多朋友、家人支持
只是心有不捨, 想念我的家人、情人、朋友們
畢竟去一整年, 不是小學旅行呢~ 媽媽知道我去的時候面色一沉
她說, 男兒志在四方, 只是不捨得我離開她身邊一整年..
還有我的情人朋友們, 我會努力照顧自己學好獨立, 我愛你們唷

放下香港的一切一年, 不知道我離開一年有什麼東西會因此而離我而去
不過我亦知道, 早前都寫過, 一年裡我會學到好多預計不了的東西
唯一知道我會學到今次旅程的體驗

朋友們, 一年而且…我會回來的, 不要一副哭哭啼啼、悲傷的樣子
不過話人都要話自己, 我都唔好得去邊…我怕上機前哭呢~哈

我愛你們呀
my family, kiyo, kaman, lily, lamlam, kane, jimmy, 一大班朋友同事們..