Working or Holiday

Working
在柏斯找工作的話, 華人社區很容易就找到一兩份待應、洗碗工作
有車牌可以做送貨員, 還有貨物上架、起肉員、包裝員等最多的還是待應吧
這個星期我做過兩天洗碗、一天待應, 不過現在我已經放假三天沒做了

洗碗我不太想做, 一個在香港我想也不會想的職業, 穿了一身賣魚佬的樣子
不停用水槍噴射, 之後入自動洗碗機, 辛苦就還好, 只不過苦了我的少爺手
因為用了潔淨力強的蜆液加水, 把碗盤過水就已經很乾淨…雙手不停浸泡
來自香港的阿姨叫我不要用手套, 洗手盤深用手套反而變成盛水手套更糟
做了兩天就不做了, 如果再做的話我一定要用手套, 我的少爺手經不起傷了

跟老闆說洗碗那個我不做了, 其實我洗碗做得很快了, 只是我不想我的手受罪
當老闆知道我不做了, 面色一沉之後跟我說, “當然啦, 你做那麼慢, 做不來吧"
我只是不做而已, 我還反駁"我不是做不來, 我只是不想做"

除了洗碗還有做過待應, 相對洗碗的工作算是賺得最容易了, 工作機會又多
不過有一點就是, 要承受很多閒言閒語, 再難聽都有呢, 我也是因此而不做了
我有跟她講, 我從來沒有做過待應, 她說放心會教我, 我覺得試試看吧
“你沒有做過我不會罵你, 但是我只說一次不要問我第二次"
“這就是鐵觀音、香片、菊花….如果他要chinese tea就香片好了"
“樓上也可以沖茶, 這就是香片、菊花、鐵觀音…不要搞錯次序啊"
“跟我來, 樓上在這邊開始檯號11號一直數, 沒有14號的, 再來樓下"
“這邊1號開始一直數, 有4號的, 還有這張是5a,5b,6a.6b"
“在這邊就是碗、碟、筷子、匙、紙巾, 你知道如何拿嗎? 要這樣的"
“好, 還有什麼呢, !#!@@#%^$^#%%*"

以上是教我的人用DJ口吻一直講, 快到記也記不住了, 還聲明說不要問第二次
我也不管了, 在4個小時裡面, 事先還未熟習環境, 在哪裡取菜上桌我也不知道
還要我記住S/S肉是咭魯肉, 油KL是芥蘭, 四川雞、牛上檯前要加花生
什麼菜要加什麼什麼, 天啊!!我那得聰明得每道菜是什麼來? 我食也未食過啊
結果我整晚真的是不知道自己在幹什麼, 我又不知道是什麼菜、什麼荼葉
之後他們幾個是留學生的待應一直說我什麼什麼的, 我一直沉住氣
她跟我說你十點就收工了, 這就是工資, 還有收工飯, 我謝謝都沒有講就走了

所以我說了, 不要想像工作是那麼容易, 即使賺錢容易, 做得不開心就不要做
我來澳洲是希望有一個難忘又快樂的一年, 我不是要來比人罵的
這班同樣來自香港的留學生, 還有華人老闆, 算了不要抱太大期望可以關照你
我個人覺得澳洲留學生自視過高, 跟香港高材生一樣, 態度更是乳臭未乾的
我真的不喜歡呢, 當然我不是一竹高打一船人, 有一些是例外的

Holiday

之後的三天我都是在柏斯遊走, 我剛剛在草地上曬太陽過得很寫意呢
空閒的時候都是在床上休息、看書, 出去逛一逛超市、SHOPPING MALL
發現了很多我初來沒發現的, 有戲院、書店、糖果店(是一間硬製品小店)
還發現很多雜貨店, 可以買便宜的菜煮飯呢, 煮一餐好的給自己, 不要生病唷
所以有空還是出去走一走不要呆在房間裡了, 沒事做都去曬一下太陽吧

美好的第一星期

待了栢斯一星期了, 一切都食好住好呢

想起下機的第一天, 真的很倒楣…
上機前, 已經知道我沒有預訂當地一間hostel的床位,
要承擔可能第一日無地方住的風險, 下機後去到hostel, 幸好床位解決了,
誰不知hostel來了火警…火警鐘響起就是了, 根本沒有火警呢,
消防員因應安全問題要先切斷電源..害我跟朋友跑去其他hostel投宿,
可惜住的是殘缺而快將崩塌的the grand hostel, 真的不明白為什麼我住這裡

幸好在找工作的介紹中心遇上香港backpacker,
入住了乾淨企理又有古堡大門口的 the old swan barracks, 其他都變得很順利
在這個hostel, 認識了很多來自不同地方的人, 有英美、台灣、日本、韓國
所聽見的英語, 都夾雜了很多不同地方口音…聽死我了!!我英文又不太好嘛
而且國語亦派上用場, 我靠台灣娛樂節目學回來的國語跟台灣朋友聊天
洋鬼子嘛, 有用上廣東話呢, 因為這個朋友喜歡香港所以有學一點廣東話
基本溝通都無問題, 雖然經常講粗口但我覺得他的語言天份非常好

在柏斯, 無論飲食、日常用品對於我而言價格貴得驚人…
都不知道是我沒有錢還是人家太多錢呢, 很多東西都買不下手
開始了我格價、應慳得慳的生活, 同時發掘了很多新奇百怪的東西
現在, 每一天都會跟朋友去買餸煮飯, 看到其他地方的market都會走一走
看看有沒有更便宜的食物材料, 每一餐的用錢很少但食得很足夠
一包粗條麵、蕃茄醬、煙肉, 大約au$4-5(hk$30), 有3個人share已經很飽了

早上跟午餐都有hostel提供麵包、果醬及牛油, 當然免費的盡量取而盡之了
所以每一天的用錢大部分都花在住宿上, 同時我亦要快快找一份工作吧
很希望可以在柏斯的餐廳大食一番, 不要壞了肚子啊

當然, 第一星期我們都有到處去玩吧
第一天在柏斯市中心遊覽、熟習環境, 而我不知道為什麼走一走就記住了
多得我的地理常識吧, 之後不繼向外走一走, 最遠去了城鎮仔fremantle
參觀了fremantle prison、the round house、city centre, 很漂亮的海邊呢
亦有去了perth zoo..看到澳洲國寶樹熊、袋鼠, 亦有親手餵長頸鹿
亦有試過弄點食物去公園席地而坐野餐呢, 一切都過得很美好、快樂
沒有第一天那麼糟的心情, 我開始逐漸習慣這裡的生活節奏

*澳洲的自來水可以即時飲用, 而我疑惑了幾天才敢飲呢…哈
**澳洲的貨幣與香港相反, 金色硬幣以元為單位, 銀色則以毫子為單位,
銀碼愈大硬幣愈細, 初頭幾天差點把2元當成2毫子啊, au$2=hk$14!!

哭泣街頭

我已經抵達澳洲栢斯幾日了, 一切都平安
在這兩天, 心情有很大的轉變…上機前, 心態上一直都停留在香港
同時亦沒有那種我要去澳洲的感覺, 即是沒有真實感, 不敢相信我要去澳洲一整年
畢竟我從不離開過我的家那麼久, 去旅遊亦只不過五、六天而已

在前往的機上, 熄掉所有的燈, 而我則遲遲不能入睡. 提起筆寫日記
在些, 我感受到我真的離開香港的家人、朋友還有我的親愛, 想念你們

到了當地之後, 開了電話卡可以打回香港了, 第一個我打給我媽
誰不知我聽了一句媽媽的"喂"..我已經淚如泉湧, 灑淚在街頭的電話亭
我不管其他人的眼色盡情地在電話亭哭, 我沒有想到我會哭得如此這樣
我真的很想念我媽呢…明明在機場壓抑得很好的

本來都想打給第二個的, 不過哭成這樣只好改天再打好了

MObile: 0421075479
E-mail: yeahjim2091@yahoo.com.hk

時間所限, 下次再繼續寫吧!!而家搭火車去第度既market買餸!!

Happy Gathering, 出發了

臨行在即, 近幾日都忙著與朋友們的gathering, 每一餐都食得好開心呢

多謝jimmy, 食左別府日本料理
多謝阿b, 食左狎鷗亭韓國料理
多謝lily、lamlam、ryan、智, 食左功德林上海素食
多謝一大班同事們, 食左蒙古小肥羊火鍋
多謝法蘭度, 食左麻酸樂扒餐
多謝大邦、蟹仔, 食左mos burger
多謝benny, 食左粉麵、甜品屋
多謝伯娘、家人, 食左tea、小曼谷泰國菜館
多謝kane, 食左EURO GOGO
臨飛前, 阿媽煲左花膠湯….我最中意飲既~好感動唷
好多親戚打電話問候下, 叮囑幾番…我會小心、生生性性啦
多謝你地為我餞行, 真係愈食愈開心, 真係諗唔到有咩未食..哈
我都盡量去哂所有的gathering, 因為你是我朋友, 而我重視朋友
未食到既朋友都唔緊要, 有心意的就得啦, 我會知道的
仲有多謝朋友們+家人的支持!!我好開心, thx!
不支持的都多謝你激發了我, 我回來之後我要跟你講,
我得到了寶貴的人生經歷, 沒有後悔, 我今晚出發了!!
預先多謝會送我機既朋友, kiyo、lily、ada..仲有我家人

多謝爸媽、大哥二哥、大家姐二家姐、伯娘、五叔、阿姨, 比我既大利是~
我會當平安符帶埋過去既~~必要時先會拎出黎用…
但我都係將利是存入銀行呢…放在backpack比較危險吧…哈

i go to PERTH, AUSTRALIA la!!!See U!

朋友的質疑

近日接連不斷跟朋友gathering, 席間談論大家近況外
亦問了很多關於我去澳洲一年做一個backpacker的疑問甚至質疑
雖然可能出自關心、擔心, 不過所問的問題都是無止境的問題
以及有些雞蛋裡挑骨頭的感覺, 令我十分反感

不知從何說起, 問了很多亦了很多, 節錄如下
——————————————————–
去到澳洲去住響邊呀?
hostel
一路都住hostel?
唔係, 睇下到時環境啦~~可能繼續住或者租屋
夠錢洗架啦? 搵到工未架??
去到個邊先搵lo~~響香港點搵wo
你係玩左先搵工呀??住都唔平架wo~
咁去到就一路上門搵工, 順道就玩下咁架啦
咁你諗住搵咩工呀??
搵左city job先, 遲下就去做farm job
咁響city搵咩工做?
唔知架, 去到個邊先找搵, 咩都會做下啦
實搵到架? 搵唔到咁點呀? 賺唔到錢咁點住呀?
搵唔到都繼續搵架啦, 同埋我有儲錢既~
遇到d咩唔如意既情況我都唔會即刻陷入經濟危機啦
儲夠左先會響呢個時候去既~~無錢就唔去住啦..我唔想訓街wo

咁你點去農場呀? 實請你架?
有心搵就有架啦, 志在人為ja~~
你肯定呀?
.
.
.
你有無車牌??


無咁你點去呀, 無車牌好多地方都去唔到架wo
個度好多人都一班人租車架ma~~
實有架?
就算我有車牌, 我都唔可以揸啦
有國際車牌架ma
我知有, 個度出租車都唔會租比我啦, 25歲先得架
.
.
.
你帶幾多對鞋?

4對
下?會唔會多左d?
一對係人字拖, 一對我穿上身,個袋都係放兩對鞋..
.
.
.
響澳洲又唔識, 去一年wo..又未必找到工, 你話去兩個月就話ja
@%@##$^#$

夠啦, 不停進攻的問題令我十分反感, 我不是一問一答的犯人呢
似乎唔贊成我去澳洲一年, 提出太多如果, 如果既都係負面
咩咩無錢、搵唔到工、無車點去、份工實請你架, 諗得澳洲太負面的一方
我知你既問題係有過實際的考量, 可能真係有你所講既問題出現,
不過響你講之前應該修飾一下用用詞、語氣, 不是一副睇死你的模樣

——————————————————-
要知道我是去澳洲體驗人生, 一年中遇到的是未知亦不能預計得到
有些東西不能事前安排的, 即使安排好的亦未必跟事實相符
一個backpacker就是backpacker, 期望的是有一個完全不同的體驗
跟參加旅行團、買書本依路線遊覽是兩碼子的事情
backpacker的行程是隨機應變, 遇到什麼事情就用什麼方法解決
沒有一件事是解決不了的, 見到一條路是彎的你也懂得轉左右吧
好與不好的通通都來, 有不好的事情你才會知道好的事情有多好
正如人生中,一個人要感受過不開心的, 你才會感受到開心的可貴
要擔心也擔心不來的, 要不然什麼地方都不要去吧
因為我怕小巴超速撞車、怕被打劫失財、怕逛街被石屎擊中
留在家應該比較安全吧, 也不是呢~ 因為我怕洗澡時會滑倒
你說在澳洲一年會悶, 那你在香港住廿幾年也悶, 為什麼不移民?
還有的是, 請問今年的聖誕節你安排好了嗎?

所以我就說, 你仍不明白我去澳洲的真正意義
人生, 由出生至完結的期間就是人生
這段期間包含很多種心情、遇到的事情、好與不好, 拼湊成人生
而我正去努力為自己帶來一個不一樣的人生, 是理想
在澳洲遇到不好的我也接受, 因為我會從另一處找到更好的, 知道它的可貴

我不是任性的

房間大清倉

Jim@Room, 大清倉!!!
今日下午響屋企執房~~~=.=!!!!
問題係我要執房….點解我好似愈執愈衰..仲亂!!
一開始就掉哂d野出黎, 搞到檯椅地下都係…
直頭執執下變左垃圾堆咁~~~
用左幾個鐘, 做左以下的小工程
趁機大量掉了不要的衫褲
易積塵、變黃的衫褲封箱
大量洗衫
重新整理衣櫃、放好香的防蟲片
清理我的書檯
書檯的書籍統統收入書櫃
重新整理書檯
重新裝飾房間, 一切以簡單、易清潔為主
開窗、開風扇狂吹房間…散發塵埃
尚有幾項中工程….未做既
清洗地板、吸塵
清理床單、收棉被..(列為中工程是因為床位於6呎高)
老豆話我不在家就幫我洗冷氣機…認真大工程
間房好香, 視覺醒神~~少了很多雜物
白藍色交替牆壁顯得更簡潔~~好舒服唷…
呢幾日我要好好舒適訓番個好既

心情複雜

近幾日的心情很複雜, 臨近出發的日子不遠
我的心情反而不是興奮、緊張、擔心未來什麼的

很多朋友祝福我, 為我加油, 其實我應該很開心才對
不過我反而沉默的謝謝, 心中沒有太大期待感等待出發
好想時間慢慢來, 因為實在有太多東西、心理上均未準備好
其實一年很快而已, 只是有太多未知的, 讓我很擔心從而不想面對它

畢竟不是去旅遊一星期那麼簡單, 那麼容易
心情都沒有去旅遊那一刻的興奮心情, 而是夾雜了很多心情在裡面,
不捨我的朋友、家人、親密好友
想念我的朋友、家人、親密好友
擔心我的朋友、家人、親密好友, 真的愛你們

距離還有一星期多就出發了, 仍然沒有那種實在的感覺
真的難以相信我會出國一年, 反正我英文那麼差應該不可能吧
有機會我會珍惜的, 去努力打造不後悔的一年

因為我知道複雜的心情亦只不過在這幾天呈現
去了澳洲之後再慢慢找回我最初的興奮還有期待!

更忙碌的前一個月

早前連續上班十多天, 終捱不了病重, 不過訓一覺就一晚痊癒,
醒來咩病都好似無啦, 都變番精神活潑的占占, 看起來是休息不足吧

繼續準備澳洲之行的裝備, 早幾日在lafuma專門店
買了大toilet bag裝起所有日用品, 仲有行山細細個的斜咩袋

其實我有3個袋仔,
arena細bag只係放左太陽油、洗頭水、沐浴露同泳褲
細toilet bag就放左一堆旅行裝洗頭水、沐浴露等等
大toilet bag放哂髮泥、洗面、保濕、mask、藥品等等

加埋其實都幾重既, 正考慮應否減磅

至於其他衣服、相機、鞋, 通通有待我有空的時間才搞一搞
現在真係忙透了, 上班作息完全打亂, 基本上每一天都很累
卻沒有心情去慢慢準備, 我連電話費、轉儲值卡都未搞好
最慘就係我連指甲都沒有時間去修剪!!~~
回到家泡個澡頭髮乾了就爬上床一覺訓到夜晚又上班..唉~~

幸好近日公司的工作比較輕鬆, 我不用每一天都忙得不可開交
而又可以忙裡偷閒, 寫到這裡, 原來我尚有個多星期就辭職了

剛剛跟我重要的人聊天, 深切感受到你對我既關心, 謝謝你
由些證明我又是一個多亂想的大男孩吧, 即使不是我都是這樣安慰自己
答應你, 還有我的家人、朋友, 我一定好好照顧自己的
有咩唔掂、無哂錢、出了什麼狀況我一定會番黎的, 等我呀

我愛你呀!朋友們!

我會好努力讓自己渡過最難忘、不後悔的精彩一年

忙碌的前一個月

頭暈, 一個月就出發了

行李清單目前只係執到一半,
未有太多時間去買所需的東西, 天啊…進度太慢了

早前執左一部分放入backpacker test下夠唔夠位
結果就係要再取捨, 或者都應該夠~我都唔想個backpack迫爆
即係好似一開個袋, 入面既野就爆哂出黎既狀態
現在滿腦子的問題都是, 應該帶?定不應該帶去呢?

數碼相機仍選擇中, 煩在功能要求有齊我想要的機不多, 取捨中
唯一一部係我早前一早睇中的canon s80, 可惜已下架唔見影
明明2005年出既機, 點解到而家仲未有一部後繼機之類?

衫褲鞋限制件數, 仍選擇中,
仲煩緊帶幾多對鞋, 幾多件衫, 幾多條褲,
因為個邊肯定買唔到我想要既衫, 但我都要去街架
只係諗到我一定要帶白色波鞋, 因為百搭lo

仲有其他垃圾, 太零散無可能同一地點買齊…
真係要比兩日時間我去齊咁多地方買野, 偏偏無時間而一直拖

and, 好多朋友都約我食飯呢, 我都一一答應去齊所有朋友的飯局
雖然好忙但時間過得好充實, 放假時間都沒有啊!!
復活節? 對不起我要上班, 只有清明節但一早被朋友預約了
餘下假期只有17號、24號….係咪太少?
原本聽晚放假, 因應公司新政策我改了上班, 因為額外有1.5日薪金
正正對我黎講黎得合時, 好讓我將預算極大化

其實每一日我都可以同朋友食早午晚, 反正我凌晨才上班
有幾日我都只訓3,4個鐘, 仍應付得黎…好充實好開心

working and working, 有時真係可以比我忘記唔開心既野
我唔敢講我而家真係完全無不開心, 只係不想太多了

我的行李裝備

衫/褲/襪/鞋 日用 電器 個人 文件
短袖衫 潤手霜 手提電話 筆記本 Visa card
長袖衫 潤唇膏 手提電話(後備) 日記本 YHA card
外套 Lotion 數碼相機 HSBC EPS
太陽油 後備電、腳架 解悶書本 HSBC credit card
牛仔褲 曬後Lotion 差電器 Passport + copy
短褲 牙膏 SD card (1gb) 睡袋0~10度 HKID + copy
滑浪褲 牙刷 Portable hard-disk 腰包 證件相
泳褲 指甲鉗 轉接插頭 雨具 1263(工作證明)
運動長褲 眉鉗 運動手錶 行山水樽 機票
食物盒 覆歷
內衣褲 Shampoo 快子
Shower gel card reader 蚊貼
頸巾 剃鬚刀 mp3(ipod) 膠布
陶瓷纖維毛巾 剃鬚膏 火把頭痛藥
針線包 鬚後水 飛滋膏
冷帽 髮泥 敏感藥
枕頭袋 喉糖
補濕mask 大膠袋
洗面膏 小禮物
磨砂膏

大致上都係咁多啦, 當然有些仍然未準備, 亦歡迎朋友們送野比我
我會送番個香吻比你~~~好貴架..執到啦…
計計下睇下仲有無野未執齊…但唔可以執太多~~我預一個70L的大背包!!
要取捨, 因為我知道再多一個袋就會有慾望再帶更多東西, 而個D係無用既

初定行程路線

5月8日, 我將會飛往柏斯, 西澳的首府, 貪佢無時差、全澳最有錢
搭叮叮唔洗錢、物價消費低於其他各大城市…不過去到要經我的證實
有d都係上網睇, 話就話咁講都唔知係咪既~~~

作為第一站, 好讓我過得舒服以及盡快適應當地環境先係我想要
不想一開始去悉尼就面對大城市的各種東西…由其我的英文水平
只會倍感壓力, 逐漸由低開始..慢慢適應至遊歷澳洲各大城市
我當然希望自己也做得到吧~~英語能力同listening我要急起直追
最大問題都只不過係我聽唔到而已..我會克服它

至於我的backpacker之旅路線, 就由柏斯(Perth)至開恩斯(Cairns)
沿途經達爾文, 愛麗斯泉, 烏奴奴, 再南下至悉尼, 北上至開恩斯
一條S字型路線, 當然或者會行程有變既…希望可以玩哂整個澳洲

決定旅程…

今次旅程, 經過一段長時間的籌備, 由申請簽證開始
一路都發生過好多野, 到現在還有個多月..很緊張~怕應付不了

準備就準備緊架啦, 早前買左backpack作為我的最佳拍擋
見到它個心都有一種感覺, 我真係要飛唔係講過就算數
至於我去既原因, 可以話有又可以話無
想講既係既然有呢個機會可以比我去遊歷世界、擁抱大地, 點解唔試下
人生只不過求快樂, 我唔想一生勞碌…有機會我想去體驗人生
但就唔好講到我好似要扮到"向世界出發"咁~~~哈

雖則旅程完了, 一切都要重新開始
但想了一想, 人生中如果有機會遊歷世界的話
我會選擇而家去, 畢竟年輕有佢的體力、膽識、好奇

若干年後想去的話,
你會放棄工作嗎?(如果你已經升左職or努力中)
家人的照顧, 你會放心你的爸爸媽媽嗎?
仲有其他東西, 例如財務…
人愈大就愈多負擔, 愈不能放下香港的一切, 莫非等退休?
我驚我有錢無命享, 體力不勝…4個字"及時行樂"

講真, 我真係好唔捨得一個人, 雖然你唔希望我去, 我明白
同時你知道阻止我做我想做的事, 你是自私
但我亦知道要你等, 我亦是自私…共識係有, 但都係不捨得你

thx u so much, i will be back soon